ထိုင်းနိုင်ငံ လူမှုကွန်ရက်တွေမှာ ရေပန်းစားနေသည့် တိုက်စစ်မှူးအောင်သူ

ထိုင်းလိဂ်ဝမ်းကလပ် ပိုလစ်တယ်ရိုအသင်းကို ပြောင်းရွှေ့ခဲ့တဲ့ တိုက်စစ်မှူး အောင်သူဟာ ထိုင်းလူမှုကွန်ရက်တွေမှာ ရေပန်းစားနေပါတယ်။

Image may contain: 1 person, playing a sport and outdoor

ထိုင်းနိုင်ငံ ချန်နယ် ၃ ရုပ်သံလိုင်းက ထုတ်လွှင့်ချက်ထဲမှာ တိုက်စစ်မှူး အောင်သူ ရောက်ရှိလာပြီးနောက် ပြိုင်ဘက်ကလပ်အသင်းတွေက ပိုမိုသတိထားလာကြသလို ကလပ်အသင်းရဲ့ လူမှုကွန်ရက်စာမျက်နှာမှာလည်း ပရိသတ်တွေ ပိုများလာတယ်လို့ ဆိုပါတယ်။

Image may contain: one or more people, people playing sports and outdoor

ပိုလစ်တယ်ရို ကစားသမားတဦးက အောင်သူဟာ ဘောလုံးကို ကျွမ်းကျင်စွာ ကစားနိုင်သူဖြစ်ပြီး တကယ်အရည်ချင်းရှိသူဖြစ်ကြောင်း၊ ကလပ်အသင်းမှာ အသားကျဖို့ ၀ိုင်းဝန်းကူညီနေကြကြောင်းပြောပါတယ်။

ပိုလစ်တယ်ရိုအသင်းမန်နေဂျာက “ထိုင်းမှာ မြန်မာပြည်က လူတွေ ၃ သန်းလောက်ရောက်နေတယ်။ သူတို့ထဲက တစ်ထောင်နှစ်ထောင်လောက် လာအားပေးဖို့ မျှော်လင့်ပါတယ်” လို့ ပြောပါတယ်။

Image may contain: 1 person, smiling

ထိုင်းနာမည်ကြီး အားကစားသတင်းကြေညာသူနဲ့ ဘောလုံးအရေး ကျွမ်းကျင်သူ  အေကရက်ကိန်ထွတ်ထန်းက “ကျနော်ကတော့ အောင်သူဟာ မြန်မာနိုင်ငံရဲ့ ဒီခေတ်မှာ အတော်ဆုံး ကစားသမား တယောက်လို့ပြောချင်တယ်။ သူဟာ သဘာဝတိုက်စစ်မှူး တယောက်ဖြစ်တယ်၊  ဂိုးသွင်းဖို့အတွက် မွေးဖွားလာတာဖြစ်တယ်၊ သွက်လက်တယ်၊ သန်မာ တယ်၊ ထက်မြက်တယ်။ အသင်းဖော်တွေက သူ့ကိုကောင်းကောင်းမြှင့်တင်အားပေးမယ်ဆိုရင် သူဟာ ဒီထက်မက ဂိုးတွေသွင်းနိုင်လိမ့်မယ်၊ ထိုင်းလိဂ်မှာ အောင်မြင်တယ်ဆိုရင် မဆန်းပါဘူး၊ သူလုပ်နိုင်ပါလိမ့်မယ်” လို့ ပြောပါတယ်။

Image may contain: 1 person, standing

အောင်သူရဲ့ ကစားကွက်တွေဟာ ပိုလစ်တယ်ရို ဘောလုးအသင်းလက်ရွေးစင်  ကျနာ ထစ်ပ်ကျွမ်ထက်ဆင် နဲ့   ဆင်တယ်လို့ သတင်းဌာနတွေက သုံးသပ်နေကြပါတယ်။

Image may contain: 1 person, standing and text

“သူတို့ကတော့ မြန်မာလူမျိုးဆိုတော့ ဘာပဲဖြစ်ဖြစ် မြန်မာနိုင်ငံသားတယောက်အနေနဲ့ အားပေးမှာပဲ။ ဘယ်လိုပွဲ မျိုးဖြစ်ဖြစ်အားပေးမှာပဲ။ သူတို့အားပေးလို့လည်း အောင်သူဆိုတာ ဖြစ်လာတယ်။ သူတို့ကိုလည်း အများကြီး ကျေးဇူးတင်တယ်။ ထိုင်းက ပရိသတ်တွေလည်း ကျနော့်ကို အများကြီး သည်းခံပေး ကြပါ။ ဘာလို့လဲဆိုတော့ ထိုင်းကစားပုံနဲ့ မြန်မာ ကစားပုံကွာတဲ့အတွက် အဲဒီအပေါ်မှာ သည်းခံပေးဖို့ ကျနော်တောင်းဆိုချင်ပါတယ်” လို့ အောင်သူက ပြောပါတယ်။

Image may contain: 1 person, standing

မြန်မာ့လက်ရွေးစင်တိုက်စစ်မှူး အောင်သူဟာ ထိုင်းလိဂ်ဝမ်းကလပ် ပိုလစ်တယ်ရို (Police Tero) အသင်းနဲ့  ပြီးခဲ့တဲ့ နိုဝင်ဘာ ၃၀ က ထိုင်းနိုင်ငံမှာ အပြီးသတ် သဘောတူစာချုပ် ချုပ်ဆိုခဲ့တာ ဖြစ်ပါတယ်။ အောင်သူအနေနဲ့ တရာသီစာ အငှားစာချုပ်နဲ့ တလ အမေရိကန်ဒေါ်လာ ၇၀၀၀ လစာရရှိမှာ ဖြစ်ပါတယ်။

Source – DVB

,

About popinvdo.xyz(ပဲပင်​​ပေါက်​)

View all posts by popinvdo.xyz(ပဲပင်​​ပေါက်​) →

Leave a Reply

Your email address will not be published. Required fields are marked *