ယုံကြည်မှုသာမသေရင် ကမ္ဘာတောင်ပြောင်းပြန်လှန်နိုင်တယ်

အရမ်းကြိုက်မိလို့ ယုံကြည်မှူသာခိုင်မာပီဆိုရင် ဘာလုပ်လုပ်ပီပြင်လာမှာပဲလေ ယုံကြည်မှူအသက်ခံရပေမဲ့ ယုံကြည်မှူမသေတဲ့လူတွေအတွက်ပြန်လည်ဝေမျှပါရစေ

ဆံသဆိုင် (ဆံပင်ညှပ်ဆိုင်) တစ်ဆိုင်တွင် ဆံပင်ညှပ်သူများနှင့် စည်ကားနေ၏။ ဆံပင်ညှပ်ဆရာတစ်ယောက်မှ လွဲပြီး ကျန်ဆံသဆရာအားလုံးမှာ ဆံသပေးနေကြလေသည်။

ထို ဆံသဆရာလူငယ်လေးတစ်ဦးသည်
စိတ်လှုပ်ရှားခြင်းများစွာဖြင့် ဆံပင်လာညှပ်မည့်
ဧည့်သည်ကို မျှော်နေမိ၏ ။

ယနေ့မှစကာ ဆိုင်ပိုင်ရှင်က သူ့ကို ဆံသခွင့် ပေးလိုက်သည်။

သူသည် ထိုဆိုင်တွင် အောက်ခြေ သိမ်းအလုပ်များနှင့်ခေါင်းလျှော်သည့် အလုပ်တွေ၂ နှစ်လုပ်ရင်းဆံပင်ညှပ်ပညာကို သင်ယူခဲ့ရပြီး

ယနေ့သည် သူ၏ပထမဆုံးသော ဧည့်သည်ကို
ဆံသပေးရမည့် နေ့ ဖြစ်နေလေသည်။

သူတို့ဝန်ထမ်းအချင်းချင်း ဆံသပေးဖူးသော်လည်း
သူ၏ပထမဆုံးသော ဧည့်သည်ကို ဆရာမကူဘဲ
ညှပ်ရတော့မည် ဖြစ်သောကြောင့် သူ၏ ရင်ထဲတွင်
ကြောက်သလိုလို၊ပျော်သလိုလို ဖြစ်နေလေသည်။

သူတွေးနေစဉ် ဧည်သည့်နှစ်ဦးက ဆိုင်ထဲ ဝင်လာကြသည်။

“မင်္ဂလာပါခင်ဗျာ….
ဆံပင်ညှပ်မှာလားဆရာ”
“အေး အာကာ အားပြီးလား။”

“ဦးမိုးရေ ခဏစောင့်ပါဦး။ ဒီတစ်ယောက်ပြီးရင် ရပါပြီ” သူပင် မဖြေလိုက်ရ။ အာကာ က ဆံသနေရင်း လှမ်းအော်သည်။

ဆံပင်လာညှပ်သည့် လူအားလုံးက သူတို့ညှပ်နေကျ လူတွေနှင့်သာ စောင့်ညှပ်ကြသည်။

“ဆရာ ကြွပါခင်ဗျာ”
သူ တွေးနေတုန်း လူတစ်ယောက်ဝင်လာ၍ ပြောနေကျစကားက အလိုလို ထွက်သွားသည်။

“မင်္ဂလာပါခင်ဗျာ….
ဆံပင်ညှပ်မှာလားဆရာ”

“အင်း”
သူ၏စိတ်ထဲတွင် ထိုလူ့၌ ညှပ်နေကျ ဆံသဆရာ မရှိပါစေနှင့်ဟု ဆုတောင်းနေမိသည်။

“ညှပ်လို့ ရပြီလား။စောင့်ရဦးမှာလား”

“ရပါပြီဆရာ”

ဆံပင်ညှပ်မည့်နေရာကို ဦးဆောင်ခေါ်သွားရင်း သူ၏ စိတ်ထဲ ပျော်ရွှင်နေမိသည်။

“ဆရာ ထိုင်ပါခင်ဗျာ”

ဧည့်သည်၏ ကိုယ်ပေါ်တွင် ခြုံလွှာလွှားရင်း
“ဆရာ ဘယ်လိုကေ ညှပ်မလဲဗျ”

“ဒီပုံအတိုင်းပဲ။ တိုပေး။ ပါးပေး”

“ဟုတ်ကဲ့ဆရာ”

“သေချာ ညှပ်နော်။ ဧည့်သည် မကြိုက်ရင်
မင်း နောက်နေ့ မညှပ်ရဘူး”

ဆံပင်ညှပ်ဆရာ အကြီးတစ်ယောက်က သူ့ကို လှမ်းအော်သည်။

ဧည့်သည်ရှေ့တွင် လှမ်းအော်သော အကြီးကို စိတ်ထဲကကျိန်ဆဲမိသည်။

ဘာကြောင့်များ ဧည့်သည်ကွယ်ရာမှာ မပြောပါလိမ့်။

ဧည့်သည်၏ မျက်ဝန်းတွေကို ကြည့်မိတော့
သူ့ကို အထင်သေးသည့် အရိပ်တွေ မတွေ့ရ၍
တော်ပါသေးရဲ့ဟု တွေးလိုက်မိသည်။

သူ၏ လက်တွေက ဆံသပစ္စည်း တချို့နှင့် ရောထွေးကာကချေသည်လို လှုပ်ရှားနေမိသည်။

စိတ်လှုပ်ရှားခြင်းကို အတတ်နိုင်ဆုံး ဖုံးကွယ်ထားသော်လည်းညှပ်စတွင် လက်တွေက တုန်ယီနေမိသည်။

သူ ကြိုးစားညှပ်သော်လည်း ဘယ်နှင့်ညာဘက်ခေါင်းက ဆံပင်တွေက မညီ ။သိသာလောက်အောင် ရုပ်ပျက်ဆင်းပျက်တော့ မဖြစ်။

ဧည့်သည်က မှန်တွင်ကပ်ထားသော “ဝန်ထမ်းများ
ဆက်ဆံရေး မပြေပြစ်ပါက ဖုန်းဆက် တိုင်နိုင်ပါသည်”ဟူသော စာတမ်းကို ကြည့်နေသည်။

သူ၏ ဆံပင်ညှပ်ပုံ မကောင်းကြောင်း အတိုင်ခံရလျှင်ဆိုင်ပိုင်ရှင်က သူ့ကို ခေါင်းလျှော်သည့်နေရာကို ပြန်ပို့မှာသူ ကြောက်မိသည်။

“ဆရာ ပြီးပါပြီခင်ဗျာ။ ခေါင်းလျှော်ဦးမလား ဆရာ”

နောက်ကြည့်မှန်နှင့် ခေါင်းအနောက်ဘက်ကို ပြရင်း
သူမေးတော့ ဧည့်သည်က

“မလျှော်တော့ဘူး ညီလေး။ ကျေးဇူးပဲ။
ဆံပင်ညှပ်တာ ပုံစံလေးကောင်းတယ်”

ဧည့်သည်က ကျသင့်ငွေ ရှင်းပြီး ပြန်သွားတော့မှ
ရင်ထဲက အပူလုံးကြီးကို ဟူး…ခနဲ မှုတ်ထုတ် လိုက်ရသည်။

“ငါ လုပ်နိုင်တယ်ကွ” ဟုတွေးကာ ပျော်ရွှင်သွားမိသည်။

နောက် တစ်နှစ် ခန့်ကြာသော်……..။
“မင်္ဂလာပါခင်ဗျာ….
ဆံပင်ညှပ်မှာလားဆရာ”
သူ၏ အသံတွေထဲတွင် ယုံကြည်ချက်တွေအပြည့်ပါနေလေသည်။

တစ်နှစ်အတွင်း သူ ကိုင်ခဲ့ရသည့် ခေါင်းတွေက
များခဲ့သောကြောင့် ဆံပင်ညှပ်သည့်ကိစ္စက
သူ့အတွက် အကျွမ်းတဝင် ဖြစ်နေပေပြီ။

ဧည့်သည် တစ်ဦး၏ ဆံပင်ကို ကျွမ်းကျင်စွာ ညှပ်နေရင်းထိုဧည့်သည်ကို မြင်ဖူးသလို ရှိ၍ စဉ်းစားနေမိသည်။

‘ဟာ ဒီဆရာက ငါပထမဆုံး ဆံသပေးခဲ့တဲ့လူပဲ’
သူ၏ စိတ်ထဲသာ ပြောနေမိသည်။

“ဆရာ ပြီးပါပြီခင်ဗျာ။ ခေါင်းလျှော်ဦးမလား ဆရာ”

နောက်ကြည့်မှန်နှင့် ပြရင်း သူမေးတော့
ဧည့်သည်ကပြန်ပြောသော စကားကြောင့် သူ အံ့ဩသွားမိ၏။

“ငါ့ညီလေးတောင် ဆံပင်ညှပ်တာ ကျွမ်းကျင်သွားပြီပဲ”

“ဟာ ဆရာက ကျတော့်ကို မှတ်မိတယ်ပေါ့”

“မှတ်မိတာပေါ့ကွ။ အဲ့ဒီနေ့က ငါ တခြားဆိုင်မှာ
ပြန်ပြင်လိုက်ရသေးတယ်။”

သူ အံ့သြ သွားမိသည်။ သူညှပ်ပေးသည့် ဆံပင် မညီတာသိလျက်နှင့် အဘယ်ကြောင့် ပြဿနာ မရှာရတာလဲဆိုတာကို သူ သိချင်မိသည်။

“ဆရာ က အဲဒီနေ့က ဆံပင် မညီတာသိပေမဲ့
ကျွန်တော်ကို ဘာလို့ ကျေးဇူးပဲ။ ဆံပင်ညှပ်တာပုံစံလေးကောင်းတယ် လို့ ပြောသွားရတာလဲ”

ဧည့်သည် ပြန်ပြောလာမည့် စကားကို မျှော်လင့်ရင်း
ဧည့်သည်၏ မျက်ဝန်းတွေကို ငေးမောနေမိသည်။

“ငါ အဲဒီနေ့က မင်းကို ယုံကြည်မှုတွေ ပေးလိုက်တာပါ။အဲဒီယုံကြည်မှုက အခု မင်းကို အများကြီး အထောက်အကူပေးနေမယ်လို့ ငါထင်တယ်။
မင်း စိတ်လှုပ်ရှားနေမှန်း ငါသိပါတယ်။
ငါသာ တစ်ခုခုပြောလိုက်ရင် မင်းရဲ့ စိတ်ထဲ ရမဲ့ ဒဏ်ရာကသေအထိ ပျောက်မယ် မထင်ဘူး။မင်းက ဆံပငပ်တတ်ပါတယ်။
စိတ်လှုပ်ရှားပြီး လက် အနည်းငယ် တုန်နေလို့သာ
မညီမညာ ဖြစ်ခဲ့ရတာ။အလွန်ဆုံး ငါ ကတုံးတုံးရရုံပေါ့ကွာ။ ငါ့အတွက် ကြီးကြီးမားမား မထိခိုက်နိုင်ပါဘူး။ ဟားဟား……။

မှတ်ထား ညီလေး။ အလုပ်မှာ မှားမှာ မကြောက်နဲ့။
မမှားဖူးတဲ့ လူဟာ အလုပ် မလုပ်ဖူးတဲ့ လူပဲ။
ဒါပေမဲ့ ထပ်ခါထပ်ခါ မမှားစေနဲ့ပေါ့ကွာ။
အဲတာတော့ မှတ်ထား”

“အစ်ကိုက ဘာလို့ အဲလို လုပ်ရတာလဲဟင်”

အံ့သြကြီးစွာ သူမေးမိတော့ဧည့်သည်က သူ နားမလည်သော စကားကို ဆိုသည်။

“ငါ့ယုံကြည်မှုတွေ အသတ်ခံခဲ့ရဖူးလို့ပါကွာ”

Ref – ကိုဟမ်စိုင်း
From:KyarNyo အွန်လိုင်းသတင်းစုံ

ပြန်​လည်​မျှ​ဝေ​ပေးရန်​နှိပ်​ပါ✌✌✌
Share on Facebook
Facebook
0

2total visits,1visits today

,

About popinvdo.xyz(ပဲပင်​​ပေါက်​)

View all posts by popinvdo.xyz(ပဲပင်​​ပေါက်​) →

Leave a Reply

Your email address will not be published. Required fields are marked *