တွင်းအတွင်းခံဝတ်ခွင့်မပြုသဖြင့် ကျောင်းသူကျောင်းသားများ မကျေနပ်


စစ်တွေမှစာစစ်ဌာန၂ခုမှာ တက္ကသိုလ်ဝင်တန်းစာမေးပွဲတွင်းအတွင်းခံဝတ်ခွင့်မပြုသဖြင့် ကျောင်းသူကျောင်းသားများ မကျေနပ်
ယခု နှစ်တွင်စစ်တွေရှိ စာစစ်ဌာနနှစ်ခုတွင် အတွင်းခံဘောင်းဘီ ဝတ်ခွင့်မပြုသဖြင့် ကျောင်းသားများ မကျေနပ်ဖြစ်နေကြောင်းသိရတယ်

စစ်တွေမြို့နယ်ရှိ မင်းဂံရပ်ကွက် အခြေခံပညာ အထက်တန်းကျောင်းနှင့် ပြည်တော်သာရပ်ကွက် အမှတ်(၄) အခြေခံ ပညာ အထက်တန်းကျောင်းရှိ တက္ကသိုလ်ဝင် စာမေးပွဲဖြေဆိုသူ အားလုံး စာဖြေခန်းတွင် အတွင်းခံဘောင်းဘီ ဝတ်ခွင့်မပြုသဖြင့် ကျောင်းသားများ မကျေနပ်ကြောင်း ကျောင်းသား၊ ကျောင်းသူများထံမှ သိရသည်။

“ကျွန်မတို့ အတွင်းခံဘောင်းဘီကို ရှာဖွေရေးအခန်းမှာ စစ်ဆေးခံပြီးတော့ အဲဒီထဲမှာ ထားခဲ့ရတယ်။ အထဲကို ယူခွင့်မပြုဘူး၊ အင်္ဂလိပ်စာနေ့(မတ် ၈ ရက်)က စဖြစ်တာ၊ တချို့ကျတော့လည်း မကျေနပ်သလို၊ တချို့ကျတော့လည်း ရယ်ကြတာပေါ့။ သူတို့ချွတ်ဆိုလည်း ချွတ်ထားခဲ့ရတာပေါ့”ဟု မင်းဂံရပ်ကွက် အခြေခံပညာ အထက်တန်းကျောင်းတွင် စာမေးပွဲဖြေဆိုသူ မသန္တာဝင်းက ပြောသည်။

ယခင်နှစ်များက အတွင်းခံဘောင်းဘီ ချွတ်မထားရဘဲ ယခုနှစ်တွင်သာ လုပ်ဆောင်ခဲ့ကြောင်း၊ ထိုသို့လုပ်ဆောင်ခြင်းကြောင့် အမျိုးသမီးများအတွက် အခက်အခဲဖြစ်ကြောင်း၊ စာမေးပွဲမှာ လူအများနှင့် ဖြေဆိုရသောကြောင့် ဓမ္မတာလာသူဖြစ်ပါက အရှက်ကွဲနိုင်ကြောင်း အထက (၄) တွင် ဖြေဆိုနေသူ ကျောင်းသူတစ်ဦးကဆိုသည်။

“ရှာဖွေခန်းထဲမှာ ဘောင်းဘီပါလားမေးတယ်၊ ပါရင်ချွတ်ခိုင်းတယ်။ မပါဘူးဖြေရင် စမ်းကြည့်တယ်။ အမှတ်အသားလေးနဲ့ ထားခဲ့ရတာပေါ့၊ ပြန်ထွက်ရင် ယူရတယ်။ ဘယ်တတ်နိုင်မလဲ”ဟု မင်းဂံရပ်ကွက် အခြေခံပညာ အထက်တန်းကျောင်းရှိ စာစစ်ဌာနတွင် ပြင်ပမှဝင်ရောက်ဖြေဆိုသူ ကျောင်းသား မောင်ဖြိုးအောင်ကျော်က ပြောသည်။

အဆိုပါ စာစစ်ဌာနတို့တွင် စာမေးပွဲ ဖြေဆိုသူ ကျောင်းသား၊ ကျောင်းသူ ၈၀၀ ခန့်ရှိပြီး စာမေးပွဲကျ၍ ဖြေဆိုသူ ကျောင်းသား၊ ကျောင်းသူ အများဆုံးဖြစ်ကြောင်း၊ ဘောင်းဘီချွတ်မှုနှင့်ပတ်သက်၍ ကျောင်းသားမိဘများက မကျေနပ်သဖြင့် ရခိုင်ပြည်နယ် လူမှုရေးဝန်ကြီး ဒေါက်တာချမ်းသာထံ တိုင်ကြားမှုများရှိကြောင်း ပြည်နယ်ပညာရေးဌာနထံမှ သိရသည်။

ယင်းကြောင့် စာမေးပွဲ ဖြေဆိုသော ကျောင်းသား၊ ကျောင်းသူများ၏ သိက္ခာ ထိပါးသော အပြုအမူမျိုး မလုပ်ရန်နှင့် စာဖြေခန်းတွင် ခိုးကူးသည်များ တွေ့ပါက စာမေးပွဲစည်းကမ်းနှင့်အညီ အပြစ်ပေးရန် ကြီးကြပ်ရေးမှူးများကို ညွှန်ကြားထားကြောင်း ရခိုင်ပြည်နယ် လက်ထောက်ပညာရေးမှူး ဦးစိန်ထွန်းလှက ပြောသည်။

“အဲဒီလို လုပ်ရမယ်လို့ ညွှန်ကြားထားတာ မရှိဘူး။ အမှန်က ဘောင်းဘီနှစ်ထပ်၊ သုံးထပ် ဝတ်လာကြတယ်၊ မိန်းကလေးတွေမှာဆိုရင် ဂွမ်းထုပ် (အမျိုးသမီးသုံး ပစ္စည်း) ထဲမှာတောင် စာကူးဖို့ပါတယ်”ဟု ၎င်းကပြောသည်။

အချို့မှာ ဘောင်းဘီ မဝတ်လာသော်လည်း ပေါင်၌တိပ်ဖြင့်ကပ်၍ ခိုးကူးမည့် စာသားကို ယူဆောင်လာကြောင်း၊ စာဖြေခန်းထဲ၌ စာရွက်စာတမ်းဖြင့် ခိုးကူးခြင်း မရှိစေရန် ကြိုတင် တားမြစ်သည့်အနေနှင့် ပြုလုပ်ရခြင်းဖြစ်ကြောင်း ၎င်းက ဆက်၍ဆိုသည်။

Ref – The Voice
Share from:KyarNyo အွန်လိုင်းသတင်းစုံ

ပြန်​လည်​မျှ​ဝေ​ပေးရန်​နှိပ်​ပါ✌✌✌
Share on Facebook
Facebook
0

1total visits,1visits today

,

About popinvdo.xyz(ပဲပင်​​ပေါက်​)

View all posts by popinvdo.xyz(ပဲပင်​​ပေါက်​) →

Leave a Reply

Your email address will not be published. Required fields are marked *