လာမည့် (၇၂)နာရီအတွင်း အပူပိုင်းမုန်တိုင်း PABUK ဖြတ်ကျော်ဝင်ရောက်လာနိုင်မည့် အခြေအနေများ

တောင်တရုတ်ပင်လယ်၊ ဗီယက်နန်ကမ်းလွန်ပင်လယ်ပြင်၌ ဖြစ်ပေါ်လျှက်ရှိသော အပူပိုင်းမုန်တိုင်း PABUK(36W)သည် အနောက်၊ အနောက်မြောက်ဘက်သို့ ဆက်လက်ရွေ့လျားနိုင်ကြောင်း ကွန်ပျူတာမော်ဒယ်များ၏ ကြိုတင်ခန့်မှန်းချက်များတွင် တွေ့ရပါသည်။

အနောက်မြောက်ဘက်သို့ ဆက်လက်ရွေ့လျားစဉ် မြန်မာနိုင်ငံ တနင်္သာရီတိုင်းဒေသကြီး၊ ကော့သောင်းနှင့် မြိတ်မြို့များအနီးမှ ဖြတ်ကျော်ကာ ကပ္ပလီပင်လယ်အတွင်းသို့ ဇန်နဝါရီလ(၅)ရက်နေ့နံနက်ပိုင်းတွင်ရောက်ရှိမည်ဖြစ်ကြောင်း၊

အနောက်မြောက်ဘက်သို့ ဆက်လက်ရွေ့လျားပြီး ကိုကိုးကျွန်းအနီးမှ ဇန်နဝါရီလ(၇)ရက်နေ့နံနက်ပိုင်း၌ ဖြတ်ကျော်ကာ ဘင်္ဂလားပင်လယ်အော်သို့ ဆက်လက် ဝင်ရောက်နိုင်ကြောင်း ကြိုတင်ခန့်မှန်းချက်များတွင် တွေ့ရှိရပါသည်။

မုန်တိုင်း PABUK ဖြတ်ကျော်စဉ် ဇန်နဝါရီလ(၅)နေ့၌ ကော့သောင်းမြို့နှင့် မြိတ်မြို့တို့တွင် ဖြစ်ပေါ်နိုင်မည့် လေတိုက်နှုန်း အခြေအနေကိုလည်း ပုံများပူးတွဲတင်ပြထားပါသည်။

မြစ်ဝကျွန်းပေါ် ကမ်းနီးရေလုပ်ငန်း လုပ်ကွက် 15-96 အတွက် ဇန်နဝါရီလ(၆)ရက် နံနက်ပိုင်းမှ စတင်၍ ဖြစ်ပေါ်နိုင်မည့် အခြေအနေကိုလည်း တင်ပြပေးထားပါသည်။

ထို့ကြောင့် လာမည့် (၇၂)နာရီအတွင်း မုန်တိုင်းဖြတ်ကျော်ဝင်ရောက်လာနိုင်မည့် အခြေအနေအား သိရှိနိုင်ပါရန်နှင့် လိုအပ်သော ကြိုတင်ပြင်ဆင်မှုများ ဆောင်ရွက်နိုင်ကြပါရန် အသိပေးတင်ပြအပ်ပါသည်။MMweather Page

About မေ သတင်း လေး

View all posts by မေ သတင်း လေး →

Leave a Reply

Your email address will not be published. Required fields are marked *