ရဲအရာရှိ (၂)ဦးသေနတ်ဖြင့် ပစ်သတ်ခံရမှု တရားခံကိုစုံစမ်းစစ်ဆေးနေ

လွိုင်ကော် ဇန္နဝါရီ ၈ ။ ၂၀၁၈ခုနှစ် ဇန်န၀ါရီလ(၈)ရက်နေ့ နေ့လည်ပိုင်းကသေနတ်ဖြင့် ပစ်သတ်ခံထားရသည့် လွိုင်ကော်ခရိုင်ရဲတပ်ဖွဲ့မှ ရဲအုပ်အဆင့်ရှိ အမျိုးသားနှစ်ဦး၏ အလောင်းအား ကယားပြည်နယ် ၊ ဒီးမော့ဆိုမြို့နယ် ၊ စံပြ(၆)မိုင် ကျေးရွာအနီး ကျောက်ချောလမ်းဘေးတွင် တွေ့ရှိရ၍ သက်ဆိုင်ရာကစစ်ဆေးမှုများပြုလုပ်နေလျက်ရှိကြောင်း သိရသည်။

စံပြ(၆)မိုင်ကျေးရွာအနီးတွင် လူနှစ်ဦးသေဆုံးနေကြောင်း ကနဦး သတင်းရ၍ ဒီးမော့ဆိုမြို့နယ်ရဲတပ်ဖွဲ့မှ ရဲမှူးလှထွေးနှင့် တာဝန်ရှိသူများ အပါအ၀င် ကျေးရွာတာဝန်ရှိသူများနှင့် သွားရောက်စစ်ဆေးခဲ့ရာ စံပြ(၆)မိုင်ကျေးရွာမှ လောပိတ ဘက်သို့သွားသော ကျောက်ချောလမ်း ဘေးရှိ တောင်ယာခင်းထဲတွင် AD Van အမျိုးအစားအ ဖြူရောင်ကား အနီးတွင် ပက်လက်လန် အနေအထားဖြင့် သေဆုံးနေသော အလောင်း တစ်လောင်း နှင့် မှောက်လျှက် သေဆုံးနေသော အလောင်းတစ်လောင်းအား တွေ့ရှိခဲ့ရကြောင်း သိရသည်။

သေဆုံးနေသော အလောင်းများအား စစ်ဆေးရာတွင် ပက်လက်လန်အနေအထားဖြင့် သေဆုံးနေသူမှာ လွိုင်ကော်ခရိုင်ရဲတပ်ဖွဲ့မှ ရဲအုပ်ကျော်ဖြိုးဝေ ဆိုသူဖြစ်ပြီး ၎င်းသည် ဦးခေါင်းနောက်စေ့ ကျည်ဝင်ဒဏ်ရာ (၁)ချက်၊ ၀ဲနားနောက်ကျည်ပေါက်ထွက် ဒဏ်ရာ(၁)ချက်၊ နောက်ကျောကျည်ဝင်ဒဏ်ရာ (၂)ချက်၊ ရှေ့ဝမ်းဗိုက် ပေါက်ထွက်ဒဏ်ရာ (၁)ချက် နှင့် ယာဘက်ရင်အုံညိုမဲဒဏ်ရာ (၁)ချက်တို့ ရရှိကာ သေဆုံးနေသည်ကို စစ်ဆေးတွေ့ရှိရကြောင်း သိရသည်။

ဆက်လက်၍ စစ်ဆေးရာ သေဆုံးသူ ရဲအုပ်ကျော်ဖြိုးဝေ နှင့် ပေ(၁၀၀)ခန့်အကွာ မြက်ခင်းပေါ်တွင် မှောက်လျက် အနေအထားဖြင့် သေဆုံးနေသူမှာ လွိုင်ကော်ခရိုင်ရဲတပ်ဖွဲ့မှ ဒ/န ဒုတိယခေါင်းဆောင် ရဲအုပ် ဇော်မင်းဦး ဆိုသူဖြစ်ပြီး ၎င်းသည် နောက်စေ့မှ ကျည်ဝင်ဒဏ်ရာ (၁)ချက်၊ ၀ဲနားအုံနောက်မှ ပေါက်ထွက် ဒဏ်ရာ(၁)ချက်တို့ ရရှိကာ သေဆုံးနေခြင်း ဖြစ်ကြောင်း သိရသည်။

အဆိုပါ ရဲအရာရှိ ဝန်ထမ်းနှစ်ဦးသေဆုံးမှုနှင့် ပတ်သက်၍ ဒီးမော့ဆိုမြို့မရဲစခန်း မှ (ပ) ၄/၂၀၁၉ ၊ ရာဇသတ်ကြီးပုဒ်မ ၃၀၂ ဖြင့်အမှုဖွင့်၍ တရာခံဖမ်းဆီးရမိရေး ဆောင်ရွက်လျှက်ရှိကြောင်း သိရသည်။photo – #နိုင်ငံတော်မှတ်ကြီး(လွိုင်ကော်)သတင်း – #ဆန်းဖြိုးထွန်

About မေ သတင်း လေး

View all posts by မေ သတင်း လေး →

Leave a Reply

Your email address will not be published. Required fields are marked *