ဒေါ်လာသန်းချီ ဝင်ငွေရှိခဲ့တဲ့ကမ္ဘာကျော် စူပါမော်ဒယ် အိုးမဲ့အိမ်မဲ့ဘဝနဲ့ လမ်းဘေးရောက်နေ

ကမ္ဘာကျော် ဖက်ရှင်မဂ္ဂဇင်းဖြစ်တဲ့ Vogue နဲ့ အခြားနာမည်ကြီး မဂ္ဂဇင်းပေါင်းမျာစွာမှာ ကာဗာဓါတ်ပုံတွေ ရိုက်ကူးပေးရင်းနဲ့ တစ်နှစ်လျှင် ဒေါ်လာသန်းနဲ့ချီ ဝင်ငွေရရှိခဲ့တဲ့ စူပါမော်ဒယ်လ်ဟောင်း Nastasia Urbano ဟာ အခုဆိုရင် ခြေသလုံးအိမ်တိုင်ဘဝနဲ့ ဘာစီလိုနာမြို့က လမ်းမပေါ်တွေမှာ ရွေ့ပြောင်းနေထိုင်နေရပါတယ်။

အသက် ၅၇ နှစ်အရွယ်ရှိပြီဖြစ်တဲ့ Nastasia Urbano ဟာ သူမအသက် ၂၀ အရွယ် ၁၉၈၁ ခုနှစ်မှာ စွဲဆောင်မှုအပြည့်ရှိတဲ့ အလှအပတွေကြောင့် ဘာစီလိုနာမြို့မှာပဲ Vogue မဂ္ဂဇင်းရဲ့ မျက်နှာဖုံးအတွက် ဓါတ်ပုံမော်ဒယ်အဖြစ် ရိုက်ကူးပေးဖို့ ကမ်းလှမ်းခံခဲ့ရပါတယ်။

အဲဒီကနေ မော်ဒယ်လ်ဘဝကို စတင်အခြေချခဲ့ပြီး နယူးယော့ခ်မြို့ကို ပြောင်းရွေ့နေထိုင်ခဲ့ကာ နာမည်ကြီးမော်ဒယ်လ်အေဂျင်စီဖြစ်တဲ့ “Foard Model Agency” မှာ စူပါမော်ဒယ်လ်အဖြစ် စာချုပ်နဲ့ အလုပ်လုပ်ခဲ့ပါတယ်။

အဲဒီအချိန်ကတည်းက သူများတွေအတွက်တော့ အိမ်မက်ထဲသာ ထည့်မက်နိုင်လောက်တဲ့ ခမ်းနားကြီးကျယ်တဲ့ဘဝမျိုးကို သူမက အဆင့်တန်းမြင့်မြင့် လက်တွေ့နေထိုင်ခဲ့ရတာဖြစ်ပါတယ်။

“နာမည်ကြီးမဂ္ဂဇင်းအားလုံးအတွက် ကျွန်မပုံတွေရိုက်ရတယ်၊ လူတွေကလည်း ကျွန်မကို အရမ်းချစ်ကြတယ်၊ အားပေးကြတယ်။ တစ်နှစ်လုံးမှာ ရက် ၂၀ လောက်ပဲ အလုပ်လုပ်ရတာ ဒီအတွက် ဝင်ငွေက ဒေါ်လာတစ်သန်း ရှိတယ်၊ အဲဒီရက် ၂၀ ဆိုတာကလည်း တစ်ရက်မှာ ၂ နာရီ ၃ နာရီလောက်ပဲ အလုပ်လုပ်ခဲ့ရတာ” လို့ သူမက ဆိုပါတယ်။

“နံမည်ကျော် အနုပညာသမားတွေနဲ့ ညစာအတူစား ပါတီအတူတွဲသွားနဲ့ အဲဒီအချိန်တုန်းက ကျွန်မဘဝဟာ ဘုရင်မကြီးလိုပါပဲ၊ မက်ဒေါနားနဲ့ မင်းသား ရှောင်ပိန် တို့ရဲ့မင်္ဂလာဆောင်ကိုတောင် သွားဖို့လုပ်ထားပြီးကာမှ အမူးလွန်သွားတာနဲ့ မထနိုင်လို့ မတက်ဖြစ်ခဲ့ဘူး”

ဒီလိုမျိုး လိုလေးသေးမရှိ အောင်မြင်ပြည့်စုံနေတဲ့ ဘဝအခြေအနေကနေ ကံကြမ္မာအလှည့်အပြောင်း ဖြစ်လာတာကတော့ သူ့ခင်ပွန်းဖြစ်လာမယ့် ယောက်ျားတစ်ယောက်နဲ့ ဆုံဆည်းမှုက စတင်ခဲ့တယ်လို့ သူမက ပြောပါတယ်။

သူတို့နှစ်ဦး အိမ်ထောင်ပြုပြီးနောက် ကလေး ၄ ယောက် ရခဲ့သည်ထိ တစ်လျှောက်လုံး အစစအရာရာ သူမကပဲ မိသားစုအတွက် ထောက်ပံ့ဖြည့်ဆည်းပေးခဲ့ရပါတယ်။ ဒါပေမယ့် နောက်ဆုံးမှာတော့ ယောက်ျားဖြစ်သူက သူမကို အဝတ်တစ်ထည်ကိုယ်တစ်ခုပဲ ကျန်အောင်လုပ်ပြီး ထားပစ်ခဲ့တယ်လို့ ဆိုပါတယ်။

“ကျွန်မ အိမ်ထောင်ရေး တစ်ခုလုံးမှာ ကလေးတွေနဲ့ ရှိနေတဲ့အချိန်ကလွဲပြီး ကျန်တာတွေက ခြောက်ခြားစရာတွေချည်းပါပဲ၊ ကျွန်မ ပိုက်ဆံတွေကို သုံးဖြုန်းပစ်တယ်။ ဘယ်လောက်တောင်ဆိုးလဲဆိုရင် ကျွန်မနဲ့သူနဲ့စတွေ့တော့ ခင်ကြတာ ၂ ရက်ပဲရှိသေးတယ် BMW ကား ဝယ်ခိုင်းတယ်၊ ကျွန်မကလည်း အချစ်ဆိုတဲ့အရာအပေါ် တော်တော် ရူးနှမ်းခဲ့တာပါ ချက်ချင်းပဲ ချက်လက်မှတ်ရေးပေးလိုက်တယ်”

Nastasia Urbano ဟာ စိတ်ကျရောဂါခံစားနေရပြီး ငှားနေခဲ့တဲ့ အိမ်အတော်များများမှာ အိမ်လခမပေးနိုင်တာကြောင့် အိမ်ရှင်က နှင်ထုတ်တာ အကြိမ်ကြိမ်ခံခဲ့ရဖူးတယ်လို့ ဆိုပါတယ်။ သူမဟာ အခုဆိုရင် အပေါင်းအသင်းတွေရဲ့ အိမ်ဧည့်ခန်းက ဆိုဖာခုံတွေမှာတစ်လှည့် ဘဏ်တိုက် တံခါးဝမှာ တစ်လှည့်စီ နေထိုင်အိပ်စက်နေရပါတယ်။

သူမရဲ့ သားသမီးတွေအတွက် ဂုဏ်မငယ်ရတဲ့ မိခင်တစ်ယောက်ဖြစ်ချင်ပြီး ဒီလိုအခြေအနေဆိုးကနေ လွတ်မြောက်ချင်တယ်လို့ ဆိုပါတယ်။

လက်ရှိသူမရဲ့အခြေအနေတွေကို သိလိုက်ရတဲ့ သူတို့ခေတ်က မော်ဒယ်ဖြစ်သူ Ruth Schuler က “ကျွန်မ တစ်ကယ်ရှော့ခ်ဖြစ်သွားတယ် အဲဒီခေတ်က ကျွန်မတို့က အိမ်ရှေ့မင်းသမီး အဆင့်လောက်ဆိုရင် သူက နတ်ဘုရားတစ်ပါးအဆင့်လောက်ရှိခဲ့တာ။ ကျွန်မသိရသလောက် သူက လူတွေနဲ့ ရောရောနှောနှော မနေတတ်ဘူး ဒါပေမယ့် လူတွေအပေါ်တော့ အပေးအကမ်း ရက်ရောတယ်။ ကျွန်မတို့ လူတွေစုပြီး သူနဲ့အရင်တွေ့ပြီး စကားပြောကြည့်မယ်လေ ဒါမှ သူဘာလိုအပ်လဲ ဘာဝိုင်းလုပ်ပေးရမလဲဆိုတာ သိရမှာ” လို့ဆိုပါတယ်။

နောက်ထပ် မော်ဒယ်လ် တစ်ယောက်ဖြစ်တဲ့ Hernando Herrera က Nastasia Urbano နဲ့ ပက်သက်ပြီး “သူ့အနေနဲ့ ဖက်ရှင်လောကကို အကျိုးပြုနိုင်တာတွေအများကြီးပဲ၊ မော်ဒယ်လ်လုပ်တာ တစ်ခုထဲတင်မဟုတ်ဘူး၊ ဖက်ရှင်နဲ့ ပက်သက်တဲ့ အခမ်းအနားတွေ လှုပ်ရှားမှုတွေမှာ ဖက်ရှင်နဲ့ဆိုင်တဲ့ အကြောင်းအရာတွေ အများကြီးကို ပြောပြနိုင်တယ်၊ သူလုပ်နိုင်တာတွေအများကြီးရှိပါတယ်၊ ဓါတ်ပုံဆရာတွေ မော်ဒယ်လ်အေဂျင်စီတွေနဲ့ ဘယ်လို စကားပြောရမလဲဆိုတာ သူ့ကို သင်ပေးဖို့ ကျွန်မဖက်ကတော့ အဆင်သင့်ပဲ၊ ဒါဆိုရင် သူအလုပ် ပြန်လုပ်လို့ ရပြီပေါ့” လို့ ဆိုပါတယ်။

About မေ သတင်း လေး

View all posts by မေ သတင်း လေး →

Leave a Reply

Your email address will not be published. Required fields are marked *