တနင်္သာရီမြို့နယ်တွင် တပ်မတော်သားတစ်ဦး ရေးဘေးကူညီဆောင်ရွက်ပေးရာမှ ရေစီးနှင့်မျှောပါသေဆုံး

Spread the love
  •  
  •  
  •  

တနင်္သာရီမြို့နယ်တွင် တပ်မတော်သားတစ်ဦး ရေးဘေးကူညီဆောင်ရွက်ပေးရာမှ ရေစီးနှင့်မျှောပါသေဆုံး

တနင်္သာရီမြို့နယ် ၊ ညောင်ပင်ကွင်းကျေးရွာတွင် သြဂုတ်လ ၁၂ ရက်နေ့၊နေ့လယ် ၁ နာရီခွဲခန့်က တပ်မတော်သားတစ်ဦး ရေနစ်သေဆုံးကြောင်းသိရပါတယ်။

ညောင်ပင်ကွင်းကျေးရွာ၊ နောက်ကမ်းနှင့် ရှေ့ကမ်းသွားတဲ့လမ်းမှာ ရေ ၄ ပေခွဲခန့်ကျော်နေတာကြောင့် ၅၆၁ တပ်ရင်းမှ ခရီးသွားများအား ကူညီဆောင်ရွက်ပေးရာမှ ရေစီးနှင့်မျှောပါသွားကြောင်း သိရပါတယ်။

“”နောက်ကမ်းကနေ ရှေ့ကမ်းကိုသွားတဲ့လမ်းမှာ ရေက ၄ ပေခွဲလောက်ကျော်နေတယ်။ ခရီးသွားတွေကို ဒေသခံတွေက ကူးတို့လှေလေးနဲ့ပို့ဆောင်ပေးတော့ တပ်မတော်သားတွေက လုံခြုံရေးအတွက် ကူညီဆောင်ရွက်ပေးတယ်။ရှေ့ကမ်းရောက်တော့ ၅၆၁ တပ်ရင်းက ဆရာသောင်းဆွေက လမ်းလျှောက်ပြီးရေပြင်ကိုဖြတ်လာရာမှာမျှောပါသွားတယ်။ ချက်ချင်းလိုက်ရှာကြပေမယ့် မတွေ့ဘူး ။ ည ၆ နာရီလောက်မှာ ညောင်ပင်ကွင်းနောက်ကမ်းကအမျိုးသားတစ်ဦးက အလောင်းတွေ့တယ်””လို့ ညောင်ပင်ကွင်းကျေးရွာမှ ဒေသခံတစ်ဦးက ပြောပါတယ်။

တနင်္သာရီမြစ်ရေ ကြီးနေတာကြောင့် ညောင်ပင်ကွင်းရှေ့ကမ်းနှင့်နောက်ကမ်းတွင် အိမ်ခြေ ၄၀၀ ကျော် ရေဘေးသင့်နေပြီး စားသောက်ကုန်များလိုအပ်နေကြောင်းသိရပါတယ်။

#မြတ်ထွဋ် (မြိတ်) #ညောင်ပင်ကွင်းကျေးရွာ #ရေဘေး

Credit

Leave a Comment