မရဘူးဆိုရင် အနိမ့်ဆုံးလစာက မြန်မာကျပ်ငွေ ၁၇ သိန်း လောက် (အနိမ့်ဆုံးလစာ)

“ဂျပန်က ဘာပဲပြောပြော မရဘူးဆိုရင် အနိမ့်ဆုံးလစာက ဂျပန် ယန်းငွေ တစ်သိန်းနှစ်သောင်း ( မြန်မာကျပ်ငွေ ၁၇ သိန်း) လောက် ၊ အနိမ့်ဆုံးလစာ”

မြန်မာပြည်ပအလုပ်အကိုင်ဝန်ဆောင်မှုလုပ်ငန်းရှင်များအဖွဲ့ချုပ် (MOEAF) ဥက္ကဋ္ဌ ဦးပီတာညွန့်မောင်နှင့်တွေ့ဆုံခြင်း

ဂျပန်နိုင်ငံရဲ့အလုပ်သမား ရှားပါးမှုပြဿနာကိုဖြေရှင်းဖို့ မြန်မာအပါအဝင် နိုင်ငံခြားသား အလုပ်သမား ၅ သိန်းကို လာမယ့် ၆ နှစ်အတွင်း ခေါ်ယူနိုင်မယ့် ပြည်ဝင်ခွင့်ဗီဇာ ထုတ်ပေးရေး ဥပဒေကို ဂျပန်လွှတ်တော်နှစ်ရပ်စလုံးက အတည်ပြုလိုက်ပြီဖြစ်တာမုို့ ၂၀၁၉ ခုနှစ် ဧပြီလကစတင်ပြီး နုိုင်ငံခြားသားအလုပ်သမားတွေ စတင်ခေါ်တော့မှာ ဖြစ်ပါတယ်။ ဒီအခြေအနေတွေနဲ့ပတ်သက်ပြီး မြန်မာပြည်ပအလုပ်အကိုင်ဝန်ဆောင်မှု လုပ်ငန်းရှင်များအဖွဲ့ချုပ်(MOEAF) ဥက္ကဋ္ဌ ဦးပီတာညွန့်မောင်ကို ရန်ကုန်ခေတ်သစ်က ဆက်သွယ်မေးမြန်းထားပါသည်။

မေး ။ ။ ဂျပန်နိုင်ငံကို ပြည်ပအလုပ်သမားကို ခေါ်ယူမယ့်အခြေအနေနဲ့ ပတ်သက်ပြီး ဘယ်လိုပြင်ဆင်မှု အပိုင်းက….ဘာတွေရှိရမလဲ ။

ဖြေ။ ။ ပြင်ဆင်မှုကတော့ ဒီဘက်မှတော့ အဓိက ကတော့ ဂျပန်စာ ၊ ဂျပန်စကားကို သေချာတက်ဖို့က အရေးကြီးဆုံး အချက်ဘဲ ။ နံပါတ် ၁ အချက် ပဲ ၊ အဲဒါထက် အရေးကြီးတာ မရှိဘူး ။ ကျန်တာက ပြဿနာ သိပ်မရှိဘူး ။ အဲဒါကို ပြင်ဆင်ထားဖို့ လိုအပ်တယ်။ ဂျပန်စကား နဲ့ ဂျပန် နိုင်ငံရဲ့အကြောင်းတွေကို လေ့လာထားဖို့ လိုတယ်။ နောက်ပြီးတော့ သက်ဆိုင်ရာ လုပ်ငန်းအတတ်ပညာတွေလည်း တတ်နိုင်ရင် မဆိုးဘူးပေါ့။ အဲဒါတွေလည်း ကိုယ်ရဲ့ အေဂျင်စီ ၊ သင်တန်းကျောင်းတွေ တက်ပြီးတော့ သင်တန်းပေးနေတာတွေ ရှိတယ်။ အဲဒီအတွက် ပြင်ဆင်ထားရမယ်။

မေး ။ ။ မြန်မာလုပ်သားတွေ လုပ်ကိုင်ရမယ့် အလုပ်အမျိုးအစား၊ တက်ကျွမ်းထားရမယ့် အလုပ်တွေကဘာတွေဖြစ်မလဲ။

ဖြေ။ ။ အဲဒါကိုတော့ ပေါ်လာတဲ့ အလုပ်နဲ့ သူတို့ လုပ်နိုင်မယ့် အလုပ် ၊ အခုဆိုရင် အလုပ်အမျိုးအစား ၁၄ မျိုး ပါထားတယ်။ အဲဒီ ၁၄ မျိုး အတွက် သူတို့ ခေါ်တော့မယ်လေ။ အရင်တုန်းကတော့ အဲ့လို့ အလုပ်အမျိုးအစား မများဘူး ။ စိုက်ပျိုးရေး ၊ ဆောက်လုပ်ရေး နဲ့ စက်ရုံအလုပ်ရုံရယ် ၊ ဒါပဲများတယ်။ အခုဆိုရင် စိုက်ပျိုးရေး ၊ ဆောက်လုပ်ရေး ၊ စက်ရုံအလုပ်ရုံအပြင် တခြားအမျိုးအစားအသစ်တွေ အများကြီး ထွက်လာတယ်။ အဲဒီအထဲမှာက များများစားစား ခေါ်မှာက သက်ကြီးရွယ်အို စောင့်ရှောက်ရေး နှင့် မသန်စွမ်း ဂေဟာသင်တန်းတွေ ခေါ်ဖို့ ရှိတယ်။ သက်ကြီးရွယ်အို စောင့်ရှောက်ရေးမှာဆိုရင် ဝန်ထမ်းတွေ အများကြီး ခေါ်ဖို့ရှိတယ်။ နောက်တစ်ခုက ဟိုတယ်ပိုင်းကနေ ခေါ်ဖို့လည်း ခွင့်ပြုနေပြီ ။နောက်တစ်ခုက စားသောက်ဆိုင် ၊ စားသောက်ကုန်လုပ်ငန်း ၊ သူကတော့ နဂိုကတည်းက ခွင့်ပြုထားတယ်။ စားသောက်ဆိုင်ဆိုတာ အရင်တုန်းက အချိန်ပိုင်း အလုပ်သမားတွေ အရမ်းအလုပ်လုပ်ရတဲ့နေရာပေါ့ ၊ ဒီလိုနေရာမျိုးတွေကို ခွင့်ပြုလိုက်တာ တော်တော်လေးကို ကောင်းတဲ့ အလားအလာပေါ့ ။

မေး ။ ။ဂျပန်နိုင်ငံ အနေနဲ့ မြန်မာလုပ်သား ဘယ်လောက်အထိ ခေါ်ဖို့ ရှိနိုင်လဲ ။ လုပ်သား နှုန်းထားကော သတ်မှတ်ထားတာရှိလား ။

ဖြေ ။ ။ အဲဒီလို နှုန်းထား သတ်မှတ်ထားတာတော့ မရှိဘူး ။ ဘယ်နိုင်ငံကို ဘယ်နှစ်ယောက် ခေါ်မယ်လို့ သတ်မှတ်တဲ့ နှုန်းထားက မြန်မာပြည်အတွက် မရှိဘူး ။ သူတို့ ကြိုက်ရင် ကြိုက်သလောက် ခေါ်လို့ရပါတယ်။ ဒါပေမယ့် အခုလက်ရှိ အနေအထားမှာ မြန်မာပြည်က သူတို့ သတ်မှတ်ထားတဲ့အနေအထားက နံပါတ် ၇ မှာပဲ ရှိတယ်။ ဒီမှာက သူတို့ သတ်မှတ်ထားတာက မြန်မာပြည်က ၂၀၁၇ ခုနှစ်တုန်းက ၆၀၀၀ ကျော်ပါ့။ အခု ၂၀၁၈ အတွက် ၈၀၀၀ ကျော် အဲဒီလာက်တော့ ရှိတာပေါ့ ။ နှစ်မကုန်သေးတော့ အတိအကျတော့ မသိဘူး။ ခန့်မှန်းခြေပဲ ပြောလို့ ရမယ်။

မေး ။ ။ လစာအခြေအနေကော ဘယ်လိုရှိနိုင်လဲ ။

ဖြေ။ ။ လစာက အခု သူတို့ရဲ့ အနည်းဆုံးလစာ သတ်မှတ်ချက်ဆိုတာ ဂျပန်နိုင်ငံမှာ ရှိပြီးသား ။ ဒေသတစ်ခုနနဲ့ တစ်ခုမတူဘူး ။ လူနေမှုစရိတ် သက်သာတဲ့ ဒေသတွေက လစာနည်းတယ်။ လူနေမှုစရိတ် များတဲ့ဒေသ ၊ ဥပမာ – တိုကျိုဆိုရင် လစာအများဆုံးပဲ ။ ဘာလို့လဲဆိုတော့ လူနေမှုစရိတ်အရမ်းများတယ်။ နေရေးထိုင်ရေးစရိတ် ၊ စားရေးသောက်ရေးစရိတ်၊ တအားကြီးမြင့်တဲ့အတွက် တိုကျိုမှာ လစာများမယ်။ အဲဒီသဘောပဲ ။ အဲဒီလို သတ်မှတ်ထားတာတော့ ရှိတယ်။

မေး။ ။ အဲဒီ မြန်မာလုပ်သားတွေ ဂျပန်နိုင်ငံမှာ အလုပ်သွားလုပ်ရင် အလုပ်အကိုင် အခွင့်အလမ်း ဘယ်လောက်အထိ ကောင်းမွန်နိုင်မှာ ရှိနိုင်မလဲ ။

ဖြေ ။ ။ ကျန်တဲ့နိုင်ငံတွေက် ဂျပန်နိ်ုင်ငံကတော့ လောလောဆယ် လစာတော့ များတာပေါ့ ။လစာများတဲ့ နိုင်ငံဆိုရင် ကိုရီးယား ၊ အခု ဂျပန်ရှိတယ်။ ဒါပဲ ရှိတာလေ။ ဂျပန်က ဘာပဲပြောပြော မရဘူးဆိုရင် အနိမ့်ဆုံးလစာက ဂျပန် ယန်းငွေ တစ်သိန်းနှစ်သောင်း ( မြန်မာကျပ်ငွေ ၁၇ သိန်း) လောက် ၊ အနိမ့်ဆုံးလစာဆိုတာ အဲဒါကို ဝန်ကြီးဌာနက သတ်မှတ်ထားတာကိုး ။ တစ်သိန်းနှစ်သောင်းဆိုတာ နေစရိတ် ၊ စားစရိတ်မပါသေးဘူး ။ ဘာပဲပြောပြော သူရဲ့ လစာက ရှင်းရှင်းပြောရရင် ကျန်တဲ့ နိုင်ငံတွေနဲ့စာရင် အများကြီး သာတာပေါ့ ။ သူတို့ အတွက် အခြေခံကောင်းသွားတယ်။ နောက် ဥပဒေက ပြောင်းသွားတဲ့အတွက် ၃ နှစ် ပြီး ရင် နောက်ထပ် ပြန်ပြီးတော့ သက်တမ်းတိုး ၊ နောက်နှစ် ၅ နှစ် တစ်ခါတည်း ဖြစ်သွားတယ်။ နေထိုင်ခွင့်ကို အများကြီး လျော့ပေးလိုက်တယ်။ ဂျပန်ဘက်က ။

အရင်တုန်းက ၃ နှစ်ပဲ နေလို့ရတယ်။ ၃ နှစ်ပြီးရင် ဒီအလုပ်သင်အလုပ်သမားက ပြန်ကို ပြန်ရတယ်။ အခုက ၊ သက်တမ်းတိုး နောက်ပိုင်း ၃ နှစ်ပြီးရင် နောက်ထပ် ၂ နှစ် သက်တမ်းတိုးဖို့ စာမေးပွဲတော့ ဖြေရတယ်။ စာမေးပွဲအောင်မှာ နောက်ထပ် ၂ နှစ် တိုးတယ် ။ ပြီးရင် ၅ နှစ်ရတယ်။ အခုကျတော့ မဟုတ်တော့ဘူး။ ၃ နှစ်ပြီးတာနဲ့ စာမေးပွဲ ဖြေစရာမလိုဘူး ။ ၃နှစ်ပြည့်ပြီး နောက်ထပ် ၅ နှစ် သက်တမ်း တိုးလို့ရတယ်။ အများကြီး အခွင့်အရေးတွေ ပြောင်းသွားတယ်။ အဲ့လို့မျိုး ဂျပန်ဘက်ကဖြေလျော့မှု အများကြီး ၊ လုပ်သားလိုအပ်ချက် တွေအရပေါ့။ ဒါက အလုပ်သမားတွေအတွက် အများကြီး အခွင့်အရေးကောင်းသွားတာပေါ့ ။

မေး ။ ဂျပန်နိုင်ငံသွားရင် ဘာသာစကား အနိမ့်ဆုံး Level သတ်မှတ်ချက်ကကော…။

ဖြေ ။ ။ အခုအနည်းဆုံး N5 အောင်ထားမှာ ၊ N4 Level လောက်ဖြစ်မှာ ။ဒါအနိမ့်ဆုံး ၊ သူနာပြု ( သက်ကြီး ရွယ်အိုစောင့်ရှောက်ရေး ဂေဟာတွေ သွားရင် အနည်းဆုံး N4 အောင်ထားမှာ ရမယ်။ ဒါကတော့ သက်ကြီးရွယ်အို ပေါ့ ။ ၊ ကျန်တာတော့ အနည်းဆုံး N 5 အောင်ရမယ်။ အောင်လက်မှတ်ကို တောင်းမှာ မဟုတ်ဘူး။ အဲ့လောက်အရည်အချင်းရှိမှာ အဲဒီလာက်စကားပြောနိုင်ရမယ်။ အဲဒီလို့လူမျိုးတွေဘဲ သူတို့ ရွေးခေါ်တာကိုး ။

မေး ။ ။ ဂျပန်နိုင်ငံသွားမယ့် လုပ်သားတွေအတွက် အကြံဥာဏ်ပြောဆိုချင်တာက။

ဖြေ ။ ။ အလုပ်သမားတွေက အခုဘာတွေ မှားနေလဲဆိုတော့ ဂျပန်ဘာသာသင်တဲ့ သင်တန်းကျေင်းတွေ အချို့ ၊ အဲဒီသင်တန်းကျေင်းတွေမှ ပို့ပေးမယ်ဆိုပြီး အဲ့အလုပ်သမားတွေကို အဲဒီမှာသွားပြီးတော့ အလုပ်အပ်နေတာတွေ ရှိတယ်။ အဲဒါ ဟိုတလောကလည်း တစ်ခေါက် ဂျာနယ်တွေ ၊ မီဒီယာတွေထဲမှာ ပါလာတယ်။ ဆရာတို့ကလည်း အဲဒါကို ဖြေရှင်းပြီးပါပြီ။ သင်တန်းကျေင်းတစ်ခု အဲလိုပဲ လိမ်သွားလို့ ၊ တစ်နေ့ကလည်း ၉ ယောက် ရုံးကို ရောက်လာတယ် ။ သင်တန်းကျောင်းက ၊ သင်တန်းကျောင်းဆိုပေမယ့် တကယ်က သူတို့က စေလွှတ်ခွင့်မရှိဘူး ။ အေဂျင်စီ လိုင်စင်မရှိတော့ အဲဒီလိုစေလွှတ်လို့မရပါဘူး ။ အဲဒီတော့ တတ်နိုင်ရင် တရားဝင် ဂျပန်ကို စေလွှတ်ခွင့် ရှိတဲ့ အေဂျင်စီတွေကို စေ့စပ်ပြီးတော့ အပ်ပြီး လုပ်ကြပါလို့ ။အဲလိုဆုိုရင် တော်တန်ဆိုရင် မမှားနိုင်တော့ဘူး ။

မေး ။ ။ တရားဝင်သွားရင်း ၊ လူကုန်ကူးခံရဖို့ စတာတွေ ကြားနေတဲ့အပေါ်ကျတော့။

ဖြေ။ ။ အခုဖြစ်နေတာက လူကုန်ကူးတာ မဟုတ်ဘူး ။ ဒီမှာ လိမ်တာ ။ လူကုန်ကူးလို့ မရဘူး ။ ဟိုဘက်ကိုး ခိုးပို့လို့လည်း မရဘူး ။ ပို့လို့ မရဘူးဆိုတာ ဒီက အေဂျင်စီ လိုင်စင်ရှိတဲ့သူကနေ မှတဆင့် ဒီသင်တန်းသားအလုပ်သမား ပို့လို့ရတယ်။ အေဂျင်စီ လိုင်စင်ရှိတဲ့သူက လျှောက်ခွင့် ရှိတယ်။ အေဂျင်စီ ၂၆၀ ကျော်မှ လောလောလတ်လတ် ဝန်ကြီးဌာနက ဂျပန်ကို စာရင်းပေးထားတာ ၁၂၄ ခုပဲ ရှိသေးတယ်။ အဲဒီ ၁၂၄ ခုပဲ ပို့ခွင့်ရှိတယ်။ အဲဒီ ၁၂၄ ခုက တင်တဲ့ဟာပဲ ဂျပန်က လက်ခံတယ်။ အခုက အဲဒီလို အေဂျင်စီ လိုင်စင် မရှိဘဲနဲ့ ပို့မယ်ဆိုပြီးတော့ ညာပြီးတော့ လုပ်နေကြတာ။ ပြီးတော့မှ သူက အေဂျင်စီတစ်ခုကို ခဏဌားပြီးတော့ ဖြတ်တာတို့ လုပ်တော့ သူတို့ဘာသာ လူတွေ စုတယ်။ သူတို့ဘာသာ ပိုက်ဆံတွေကောက်တယ်။ နောက်ဆုံး တစ်ကယ်တည်း ဖြစ်မလာတဲ့အခါကျတော့ ကလေးတွေက ဒုက္ခရောက်တာပေါ့။

မေး ။။ ။ ဘာတွေများ ဖြည့်စွက်ပြောပြချင်သေးလဲ။

ဖြေ ။ ။အဓိကတော့ တရားဝင်အေအဂျင်စီ တွေနဲ့ တရားဝင်လုပ်ကြပါလို့ မှာချင်ပါတယ်။

ဓာတ်ပုံ- ဂျပန်တိုကျိုမြို့လယ်တစ်နေရာ။(Photo Credit- Japantravel)

By နန့်အိသူ/ရန်ကုန်ခေတ်သစ်

ဂျပန်ကခေါ်တာမှန်ပေမယ့် ကျွန်တော်တို့ဘက်က အရည်အသွေးကို ဖြည့်တင်းပြီးမှသာ သွားရောက်နိုင်မယ်ဆိုတာကိုတော့ သတိချပ်စေလိုပါတယ်

ဦးပီတာညွန့်မောင်

(အလုပ်အကိုင်အခွင့်အလမ်းနှင့် ကုန်ထုတ်စွမ်းအားဖွံ့ဖြိုးရေးဆိုင်ရာ စီးပွားရေးစကားဝိုင်း)

နိုင်ငံဖွံ့ဖြိုးတိုးတက်ရေးအတွက် စီးပွားရေးဖွံ့ဖြိုးတိုးတက်ရေးသည် အလွန်အရေးကြီးသည်။ နိုင်ငံအတွင်း ကဏ္ဍစုံတွင် လုပ်ကိုင်နေကြသည့် လုပ်သားအရင်းအမြစ်များ အားကောင်းပြီး အရည်အသွေးပြည့်ဝသည့် လုပ်သားများပေါ်ထွက်မှသာ စီးပွားရေးဖွံ့ဖြိုးအောင် စွမ်းဆောင်နိုင်မည်ဖြစ်ရာ အလုပ်အကိုင်အခွင့်အလမ်းနှင့် ကုန်ထုတ်စွမ်းအား ဖွံ့ဖြိုးရေးဆိုင်ရာ စီးပွားရေးစကားဝိုင်းကို သြဂုတ် ၂၁ ရက်က နေပြည်တော်ရှိ မြန်မာ့အသံနှင့် ရုပ်မြင်သံကြားတွင် ဆက်လက်ကျင်းပခဲ့သည်။

စကားဝိုင်းတွင် ရန်ကုန်တိုင်းဒေသကြီး ရခိုင်တိုင်းရင်း သားလူမျိုးရေးရာဝန်ကြီး ဦးဇော်အေးမောင်၊ အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန အလုပ်သမားရေးရာဆိုင်ရာ အမြဲတမ်းအတွင်းဝန် ဦးမျိုးအောင်၊ အလုပ်သမားညွှန်ကြားရေးဦးစီးဌာန ညွှန်ကြားရေးမှူးချုပ် ဦးဝင်းရှိန်၊ မြန်မာနိုင်ငံကုန်သည်နှင့် စက်မှုလက်မှုလုပ်ငန်းရှင်များအသင်းချုပ်မှ ဦးထွန်းထွန်း၊ မြန်မာနိုင်ငံပြည်ပအလုပ်အကိုင်အေဂျင်စီများအဖွဲ့ချုပ် ဥက္ကဋ္ဌ ဦးပီတာညွန့်မောင်တို့က ဆွေးနွေးခဲ့ကြခြင်းဖြစ်သည်။

အမြဲတမ်းအတွင်းဝန် ဦးမျိုးအောင်။ ။ ကျွန်တော်က တော့ ကုန်ထုတ် စွမ်းအားတွေ မြှင့်တင်နိုင်ဖို့အတွက် လုပ်ငန်းခွင် အေးချမ်း သာယာမှုရှိဖို့လည်း လိုအပ်တယ်လို့ ဖြည့်စွက်ပြောကြား လိုပါတယ်။ ဒီလိုအေးချမ်းသာယာဖို့အတွက် အလုပ်ရှင် ရော၊ အလုပ်သမားရော အလုပ်သမားရေးရာဆိုင်ရာ၊ လုပ်ငန်းခွင်ရေးရာဆိုင်ရာ ဥပဒေတွေကိုလည်း သိနားလည်ဖို့ လိုအပ်ပါတယ်။ ပေးအပ်ရမယ့် အခွင့်အရေးတွေကို အပြည့်အဝပေးအပ်သင့်တယ်လို့လည်း မြင်ပါတယ်။ တစ်ဖက်မှာလည်း ဘယ်လိုပြဿနာ၊ ဘယ်လိုအငြင်းပွားမှု ဖြစ်ဖြစ် စားပွဲဝိုင်းအဆင့်ဆင့် ဆွေးနွေးတာဟာ မှန်ကန်တဲ့ ဖြေရှင်းမှုလို့ ပြောလိုပါတယ်။ အငြင်းပွားမှုတွေကို ဖြေရှင်းဖို့ အတွက် ယန္တရားကြီးရှိပါတယ်။

ဆန္ဒပြနေမယ်ဆိုရင်

စက်ရုံတိုင်းမှာ စေ့စပ်ညှိနှိုင်းရေးအဖွဲ့တွေရှိတယ်။ သူတို့တွေက မန်နေဂျာ၊ အလုပ်ရှင်တို့နဲ့ အဆင့်ဆင့် ညှိနှိုင်းဖို့လိုအပ်ပါတယ်။ ပြဿနာရှိတိုင်း လမ်းပေါ်ထွက်ပြီး ဆန္ဒပြနေမယ်ဆိုရင် ကုန်ထုတ်စွမ်းအား တိုးတက်ဖို့ နေနေသာသာ လုပ်ငန်းခွင်အေးချမ်းဖို့မပြောနဲ့ အလုပ် အကိုင်တည်မြဲဖို့ကိုပါ အနှောင့်အယှက်ဖြစ်တယ်ဆိုတာ အလုပ်သမားတွေ သိစေလိုပါတယ်။

ကိုထွန်းထွန်း ဆွေးနွေးသွားခဲ့သလိုပါပဲ၊ အမျိုးသား အဆင့် ကျွမ်းကျင်ဖွံ့ဖြိုးမှုစံသတ်မှတ်ချက်NSSA ရဲ့ စစ်ဆေးမှုလေးတွေကို ပြောပြလိုပါတယ်။ အဲဒီမှာ ကျွန်တော်က ဥက္ကဋ္ဌအဖြစ် တာဝန်ယူထားပါတယ်။ စစ်ဆေးတဲ့နေရာမှာ ကျွန်တော်တို့က သတ်မှတ်ချက်တွေ ကို လျှော့ထားတာ လုံးဝမရှိပါဘူး။ လူ ၁ဝဝ ဖြေလို့ လူ ၁ဝဝ လုံး ဘယ်လိုမှ အောင်မြင်ဖို့ မလွယ်ပါဘူး။ ဥပမာ မကြာသေးမီက လေအေးပေးစက်ပြုပြင်မှုကျွမ်းကျင် တဲ့ကလေးတွေ၊ သူတို့က အပြင်က နာမည်ကြီးလုပ်ငန်း တစ်ခုမှာ အလုပ်လုပ်နေကြသူတွေ ဖြစ်ပါတယ်။

သူတို့က အသိအမှတ်ပြုလက်မှတ်လိုချင်တဲ့အတွက် လာပြီးစစ်ဆေးခံကြပါတယ်။ လာဖြေတာက ၂၄ ဦးရှိပြီး ၁၉ ဦးအောင်မြင်ပါတယ်။ ကျန်တဲ့သူတွေက သူတို့ ဘာကြောင့် မအောင်မြင်သလဲဆိုတာ Complain လုပ်ကြပါတယ်။ သူတို့တွေဟာ အပြင်မှာ Professional အသက်မွေးနေကြသူတွေပဲ ဖြစ်ပါတယ်။ ဒါပေမယ့် ကျွမ်းကျင်မှုSkillsတွေ သတ်မှတ်တဲ့အခါ အလုပ်အကိုင် တွေကို သတ်မှတ်တဲ့အချိန်အတွင်းမှာ သပ်သပ်ရပ်ရပ်နဲ့ စံချိန်စံညွှန်းမီမီနဲ့ လုပ်ဆောင်နိုင်ဖို့ဆိုပြီး သတ်မှတ်ထားတဲ့ စံနှုန်းတွေ ထားပါတယ်။ ဒါကိုလည်း NSSA ထုတ်ပေးရေး အဖွဲ့က စနစ်တကျနဲ့ လုပ်ကိုင်ဆောင်ရွက်နေတာ ဖြစ်ပါတယ်။

ဦးထွန်းထွန်း။ ။ ဟုတ်ကဲ့။ လက်တွေ့မှာ ကျွန်တော်တို့က ဥပဒေတွေ၊ စည်းမျဉ်း၊ စည်းကမ်း တွေ ထုတ်ပြန်တဲ့အခါ အမှန်တကယ် အသုံးတည့်ရဲ့လား၊ လက်တွေ့မှာ အဆင်ပြေနိုင်မလားဆိုတာတွေ စစ်တမ်းတွေ လုပ်ဖို့ လိုအပ်တယ်လို့ မြင်ပါတယ်။ အခု ဖြစ်နေတာက ဥပဒေတစ်ခုထုတ်လိုက်တယ်။ ဒါပေမယ့် သေသေချာချာImpalement လုပ်နိုင်ခြင်း၊ မလုပ်နိုင်ခြင်းက ကျွန်တော်တို့ ရန်ကုန်ကလူတွေ ပိုပြီးသိနိုင်ကြပါတယ်။ ဥပမာ လူကူး မျဉ်းကျားမှာ မော်တော်ကားရပ်ရမယ်ဆိုတာ ကိုယ့်တိုင်းပြည်မှာ မသိသလို ဖြစ်နေကြတယ်။ ကားရှင်းမှ လူက ကူးနိုင်ကြတယ်။ ပြောင်းပြန်တွေ ဖြစ်နေတယ်။

အရေးယူ မဖြေရှင်းတဲ့အခါ

ဘာကြောင့်လဲဆိုရင် ကျွန်တော်တို့ဆီမှာ သေးသေး လေးတွေကို အရေးယူ မဖြေရှင်းတဲ့အခါ ဘာမှမဖြစ်ဘူး၊ ဘာမှမဖြစ်ဘူးဆိုတာတွေများလာပြီး အချို့ Sectorတွေ မှာ အကြီးကြီးတွေ ဖြစ်လာရတယ်။ ဒါကြောင့် ဥပဒေတွေ၊ ညွှန်ကြားချက်တွေ၊ စည်းမျဉ်း၊ စည်းကမ်းတွေဟာ တကယ် လက်တွေ့ကျင့်သုံးနိုင်မလား၊ နောက်ကနေ Rules of Law က လိုက်နိုင်မလား ဆိုတာတွေကို သေသေချာချာ သုံးသပ်ပြီးမှ ထုတ်ပြန်ပေးဖို့ လိုအပ်ပါတယ်။ တားမြစ်ချက် နဲ့ ဒဏ်ကြေးက မလျော်ကန်ရင် အဆင်မပြေနိုင်ပါဘူး။

ဝန်ကြီး ဦးဇော်အေးမောင်။ ။ ရန်ကုန်တိုင်းဒေသကြီး မှာတော့ စည်ပင်သာယာ ဥပဒေလည်း ရနေပါပြီ။ နည်းဥပဒေကိုလည်း ရေးဆွဲနေ ပါပြီ။ အဲဒါအရကတော့ အခု ကိုထွန်းထွန်း ပြောသွား တာတွေ အပေါ်မှာလည်း Action Plan တွေ ပါလာပါ လိမ့်မယ်။ မီးနဲ့ပတ်သက်လို့ပြောရရင် အပူဆုံးလ မေလ မှာတောင် ရန်ကုန်တိုင်းဒေသကြီးအတွင်းမှာ မဂ္ဂါဝပ် ၁၅၄ဝ ကျော် ပေးအပ်နိုင်ခဲ့ပါတယ်။ အခုလာမယ့် နွေမှာလည်း ရန်ကုန်လျှပ်စစ် ဘုတ်အဖွဲ့ကနေ မဂ္ဂါဝပ် ၁၆၂ဝ အထိ ပေးနိုင်မယ်လို့ YESC က အခုပဲပြောပါတယ်။

တစ်ခုရှိတာက ကျွန်တော်တို့ဆီမှာ မီးကြိုးတွေ အားနည်းချက်လည်း ရှိနေပါတယ်။ ပြန်လည်ပြင်ဆင်ဖို့ အတွက် ပြည်ထောင်စုအစိုးရအဖွဲ့ကိုလည်း ရန်ကုန်တိုင်း ဒေသကြီးအစိုးရအဖွဲ့က တင်ပြထားတာရှိပါတယ်။ နိုင်ငံ တိုင်းဟာ တိုးတက်မှုကို လျှပ်စစ်ဘယ်လောက် သုံးစွဲသလဲ ဆိုတာနဲ့ တိုင်းတာကြပါတယ်။ ရန်ကုန်တိုင်းဒေသကြီးမှာ အသုံးပြုနေတဲ့ လျှပ်စစ်ဓာတ်အားက တစ်နိုင်ငံလုံးရဲ့ ထက်ဝက်ကျော် ဖြစ်နေတာမို့ ဘယ်လောက်တိုးတက်သလဲ ဆိုတာ ကြည့်ရင် သိနိုင်ပါတယ်။

အစီအစဉ်မှူး။ ။ အခုလို အားလုံးစိတ်ပါလက်ပါနဲ့ ပွင့်ပွင့်လင်းလင်း ဆွေးနွေးပေးနေကြ တာ ဝမ်းသာမိပါတယ်။ ဆက်လက်ပြီးတော့လည်း အလုပ် အကိုင်အခွင့်အလမ်းတွေ တိုးတက်ဖို့နဲ့ စီးပွားရေးအခွင့် အလမ်းတွေ မြင့်မားဖို့အတွက် ဝန်ကြီးဌာနကနေ တစ်ထောင့်တစ်နေရာက ပံ့ပိုးပေးနေတဲ့အပိုင်းတွေကို လည်း ပြောကြားစေလိုပါတယ်။

ညွှန်ကြားရေးမှူးချုပ် ဦးဝင်းရှိန်။ ။ အားလုံးက ကုန် ထုတ် စွမ်းအား တိုးတက်ရေးအတွက် အလေးထားဆွေးနွေးနေခဲ့ကြတာပါ။ စံချိန်မီတဲ့ ကုန်ထုတ်စွမ်းအားတွေဖြစ်မှသာ အကျိုးအမြတ် ရရှိပြီး အဲဒီမှသာ အလုပ်သမားတွေလည်း ပိုပြီးအဆင်ပြေ နိုင်မှာပါ။ ဒီနေရာမှာ ကျွန်တော်ပြောချင်တာကNational Skills Standard Authority (NSSA) မြန်မာနိုင်ငံ လုပ်သားများကျွမ်းကျင်မှု စံသတ်မှတ်ပြဋ္ဌာန်းရေးအဖွဲ့ကို ဖွဲ့စည်းဆောင်ရွက်နေပါတယ်။ မြန်မာလုပ်သားဈေးကွက်နဲ့ ကိုက်ညီမယ့်လုပ်ငန်းအမျိုးအစား ၃ဝ ကို လက်ရှိ ဆောင်ရွက်နေပါတယ်။

စစ်ဆေးအကဲဖြတ်

အဆင့်အားဖြင့် Level 1 မှ 4 အထိ လေးဆင့် သတ်မှတ်ထားပါတယ်။ လာရောက်ဖြေဆိုသူတွေဟာ ကျွမ်းကျင်မှုရှိဖို့ လိုပါတယ်။ ကျွမ်းကျင်လက်မှတ် ရထားပြီ ဆိုပြီးတော့ ပေါ့ဆလို့မရပါဘူး။ လုပ်ငန်းရှင်တွေကလည်း ကိုယ့်အလုပ်သမားတွေကို အမြဲတမ်း အဆင်သင့်ဖြစ်နေ အောင်၊ ကျွမ်းကျင်နေအောင် လုပ်ပေးမှသာ ကုန်ထုတ် စွမ်းအားတွေ တိုးတက်လာနိုင်မှာဖြစ်ပါတယ်။ ဝန်ကြီးဌာန က စက်မှုဇုန်တွေမှာဆိုရင် အထည်ချုပ်စက်ရုံတိုင်း လေ့ကျင့်ရေးစင်တာတွေ ဖွင့်နိုင်ဖို့ ကြိုးစားထားပါတယ်။ အစိုးရရော၊ ပုဂ္ဂလိကအပါအဝင် စစ်ဆေးအကဲဖြတ်ဌာန ၁ဝဝ ကျော် ရှိပါတယ်။

စစ်ဆေးအကဲဖြတ်သူ ၄ဝဝ ကျော် မွေးထုတ်ပေးနိုင် ခဲ့ပြီး ကျွမ်းကျင်မှုလက်မှတ်အဆင့် (၁)၊ (၂) ကို ၂ဝ၁၄-၂ဝ၁၅ ဘဏ္ဍာနှစ်ကနေ ယနေ့အထိ လုပ်သား ၇၂ဝဝ ကျော် စစ်ဆေးအကဲဖြတ်နိုင်ခဲ့ပြီး အဆင့်မီတဲ့ လုပ်သား ၆၂ဝဝ ကျော်ကို လက်မှတ်ထုတ်ပေးနိုင်ခဲ့ပါတယ်။

အနာဂတ်အစီအမံအနေနဲ့ ဝန်ကြီးဌာနက ရန်ကုန်၊ မန္တလေး၊ ပဲခူး၊ စက်စဲနဲ့ ပုသိမ်မြို့တွေမှာ လေ့ကျင့်ရေး သင်တန်းကျောင်း ခြောက်ခု ဖွင့်လှစ်ထားပါတယ်။ အဲဒီကနေ ဂဟေဆက်သင်တန်း၊ လျှပ်စစ်သင်တန်း၊ လေအေးပေးစက်တပ်ဆင်ပြုပြင်တဲ့သင်တန်း စတဲ့ သင်တန်းများအပြင် JICA နဲ့ ပူးပေါင်းပြီး လက်သမား သင်တန်း၊ ပန်းရန်သင်တန်းနဲ့ သံချည်သံကွေးသင်တန်းတွေ ကိုလည်း ပို့ချပေးနေပါတယ်။

ပဲခူး၊ မကွေးနဲ့ စစ်ကိုင်းတိုင်းဒေသကြီးတွေမှာ သင်တန်းကျောင်းတွေ ဖွင့်လှစ်နိုင်အောင် စီစဉ်နေပါတယ်။ လာမယ့်နှစ်မှာ ကျန်းမာရေးဆိုင်ရာ ကျွမ်းကျင်မှုစံဖြစ်တဲ့ သက်ကြီးရွယ်အိုစောင့်ရှောက်ရေးအပါအဝင် အခြား လုပ်ငန်းနယ်ပယ်အလိုက် ကျွမ်းကျင်မှုစာအုပ်ထုတ်ဝေဖို့ စီစဉ်နေပါတယ်။

ကုန်ထုတ်လုပ်မှုမြှင့်တင်ရေး

စီးပွားရေးလုပ်ငန်းတစ်ခု အောင်မြင်ဖို့ဆိုတာ လုပ်ငန်းရှင်တွေနဲ့ပဲ လုပ်ကိုင်လို့မရပါဘူး။ အလုပ်သမား တွေကလည်း ကုန်ထုတ်လုပ်မှုမြှင့်တင်ရေးမှာ အဓိကကျပါ တယ်။ ကိုယ့်အလုပ်သမားတွေရဲ့ အရည်အသွေးမြင့်မား မှသာ ကုန်ထုတ်စွမ်းအားတွေတိုးတက်လာမှာ ဖြစ်ပါတယ်။ ဒါကြောင့် လုပ်ငန်းရှင်တွေကလည်း ကိုယ့်အလုပ်သမားတွေ ကျွမ်းကျင်မှုရှိလာအောင် အလေးထားဆောင်ရွက်ပေးပါလို့ ပြောလိုပါတယ်ခင်ဗျာ။

အစီအစဉ်မှူး။ ။ ဆက်လက်ပြီးတော့ ပြည်ပအလုပ် အကိုင်တွေနဲ့ ပတ်သက်ပြီးတော့ လည်းဆွေးနွေးပေးပါဦး။

ဦးပီတာညွန့်မောင်။ ။ အစီအစဉ် ပထမပိုင်းတုန်းကဝန်ကြီးမေးသွားတာ ရှိပါတယ်။ ဂျပန်ကို အလုပ်သမားဝန်ကြီးဌာနနဲ့ ဂျပန်နိုင်ငံအစိုးရတို့ MoU လက်မှတ်ထိုးပြီးဖြစ်တဲ့အတွက် မြန်မာအလုပ်သမား တွေအတွက် အခွင့်အလမ်းတွေ အများကြီးပေါ်ပေါက်လာ ပြီဖြစ်ပါတယ်။ သူတို့ဘက်က လာပြီးဆွေးနွေးတဲ့အခါ အနာဂတ်ကို စဉ်းစားတတ်တဲ့နိုင်ငံပီပီ မြန်မာနိုင်ငံကို တော်တော်လေးမျှော်လင့်ထားတဲ့ပုံစံရှိတာ သိရပါတယ်။ အဲဒီထဲမှာမှ သက်ကြီးရွယ်အိုစောင့်ရှောက်ရေးနဲ့ မသန်စွမ်း စောင့်ရှောက်ရေးဂေဟာတွေမှာဆိုရင် အလုပ်သမားဟာ တစ်နိုင်ငံလုံးအတိုင်းအတာနဲ့ သုံးသိန်းလောက် လိုအပ်နေ တယ်လို့ သိရပါတယ်။ ဒါပေမယ့် သွားရောက်လိုတဲ့ အလုပ်သမားတွေရဲ့ ကျွမ်းကျင်မှုကတော့ တော်တော်လေး လိုအပ်ပါတယ်။ ဘာသာစကားကိုလည်း ကျွမ်းကျင်ရမှာ ဖြစ်ပြီး လစာအနေနဲ့ကတော့ သင့်တော်များပြားတဲ့ အနေအထားဖြစ်မှာပါ။ ဒါ့အပြင် အင်ဂျင်နီယာတွေနဲ့ အိုင်တီကျွမ်းကျင်သူတွေကိုလည်း ခေါ်ယူလာပါတယ်။ သွားရမယ့်အခွင့်အလမ်းတွေ များလာပေမယ့် စဉ်းစား စရာလည်း ရှိပါတယ်။

ကျွမ်းကျင်မှုပြဿနာ

ကျွန်တော်တို့နိုင်ငံက အလုပ်သမားတွေဟာ အခြေခံ အလုပ်သမားတွေအဖြစ် ထိုင်းနိုင်ငံတို့၊ မလေးရှားနိုင်ငံတို့ မှာ သွားပြီးအလုပ်လုပ်ကြပါတယ်။ သူတို့ရဲ့ပုံစံနဲ့တော့ ဂျပန်နဲ့ သိပ်တူမှာမဟုတ်ပါဘူး။ အဲဒီလိုသွားလုပ်တဲ့ သူတွေထဲမှာ အင်္ဂလိပ်စာကို သင်ပုန်းမကျေသူတွေလည်း ပါပါတယ်။ အလုပ်ရှင်မဆိုးရင် ပြဿနာမရှိပေမယ့် အလုပ်ရှင်က မကောင်းတဲ့အခါ ပညာအရည်အချင်း အားနည်းပြီး ဗဟုသုတနည်းပါးမယ်ဆိုရင် အခက်အခဲ တွေ အများကြီးရှိသလို စေလွှတ်တဲ့ အေဂျင်စီတွေမှာလည်း တာဝန်တွေ အများကြီးရှိပါတယ်။ ဒါကြောင့် မသွားခင် ကတည်းက ကျွန်တော်တို့က ရှင်းပြကြရပါတယ်။ ဒါကြောင့် အဓိကကတော့ ကျွမ်းကျင်မှုပြဿနာဖြစ်ပါတယ်။ အခု ဂျပန်ကခေါ်တာမှန်ပေမယ့် ကျွန်တော်တို့ဘက်က အရည်အသွေးကို ဖြည့်တင်းပြီးမှသာ သွားရောက်နိုင် မယ်ဆိုတာကိုတော့ သတိချပ်စေလိုပါတယ်။

အစီအစဉ်မှူး။ ။ လုပ်သားအင်အားနဲ့ ပတ်သက်ပြီးတော့ စစ်တမ်းတွေ နှစ်စဉ် ကောက်ယူနေတဲ့ အကြောင်းကိုလည်း ရှင်းပြဆွေးနွေးပေးပါဦး။

ညွှန်ကြားရေးမှူးချုပ် ဦးဝင်းရှိန်။ ။ ကျွန်တော်တို့ ဝန်ကြီး ဌာနက စက်မှုဇုန်နဲ့ စက်မှုဇုန်ပြင်ပမှာရှိတဲ့ စက်ရုံ၊ အလုပ်ရုံ၊ အလုပ်သမားတွေရဲ့ စာရင်းတွေကို နှစ်စဉ် ကောက်ယူလျက်ရှိပါတယ်။ ၂ဝ၁၇ ခုနှစ်က စက်မှုဇုန်တွေမှာ အလုပ်ဌာနပေါင်း ၇ဝဝဝ ကျော် နဲ့ လုပ်သား ငါးသိန်းလောက်ရှိနေပြီး စက်မှုဇုန်ပြင်ပမှာ အလုပ်ဌာနပေါင်း နှစ်သိန်းနဲ့ အလုပ်သမားပေါင်း ၁၁ သန်းကျော်ရှိကြောင်း သိရပါတယ်။ ကောက်ခံနေတဲ့ အခြေခံအချက်အလက်တွေကတော့ အိမ်ထောင်စုတွေ ဘယ်လိုပေါင်းစပ်ဖွဲ့စည်းထားသလဲ၊ လူဦးရေနဲ့ ပညာရေး အဆင့်အတန်းတွေ၊ အသက် ငါးနှစ်အထက် အိမ်ထောင်စု ဝင်တွေရဲ့ လက်ရှိအလုပ်အကိုင်၊ အသက် ၁၄ နှစ်အထက် အိမ်ထောင်စုဝင်တွေရဲ့ လွန်ခဲ့တဲ့ တစ်ပတ်က လုပ်ခဲ့တဲ့ အလုပ်တွေ စသဖြင့် ILO ရဲ့ နည်းပညာအကူအညီသုံးပြီး ကောက်ယူနေခဲ့ပါတယ်။

လုပ်သားအင်အားစစ်တမ်း

၂ဝ၁၆ ခုနှစ်မှာ လုပ်သားအင်အားစစ်တမ်း၊ ကလေး လုပ်သားအစီရင်ခံစာ၊ စစ်တမ်းတွေ၊ နှစ်ချုပ်အစီရင်ခံစာ ကို ထုတ်ပြန်ခဲ့ပါတယ်။ ၂ဝ၁၇ ခုနှစ်မှာ မြန်မာနိုင်ငံအတွင်း အလုပ်လုပ်ကိုင်နိုင်တဲ့ အသက်အပိုင်းအခြားရှိသူ ၁၅ နှစ်နဲ့အထက် ၃၉ သန်းကျော်ရှိပါတယ်။ ဒီနေရာမှာ တကယ့်အလုပ်သမားကတော့ ၂၂ ဒသမ ၂၅ သန်းရှိပြီး လက်ရှိလုပ်နေတဲ့သူကတော့ ၂၂ ဒသမ ဝ၂ သန်း ရှိပါ တယ်။ အလုပ်လက်မဲ့နှုန်း တစ်ရာခိုင်နှုန်းနဲ့ လုပ်သား အင်အား အပြည့်အဝအသုံးမချနိုင်မှုကတော့ ၆ ဒသမ ၈ ရာခိုင်နှုန်းရှိတာကို တွေ့ရပါတယ်။

ဒီစစ်တမ်းဟာ တစ်ကြိမ်တည်း ကောက်ခံလို့ရတဲ့ စစ်တမ်းမဟုတ်ပါဘူး။ စဉ်ဆက်မပြတ် လုပ်သားဈေးကွက် ဆိုင်ရာ အချက်အလက်တွေကို ပုံမှန်ရရှိဖို့အတွက် ကောက်ယူပေးခြင်းဖြစ်ပါတယ်။ အဲဒီလိုကောက်ယူတဲ့ အချက်အလက်တွေဟာ နိုင်ငံတော်ရဲ့မူဝါဒတွေ ရေးဆွဲရာ၊ သုတေသနပြုစုရာနဲ့ စာတမ်းတွေ ရေးသားရာမှာ အများကြီး အထောက်အကူပြုပြီး နိုင်ငံတော်ကို အကျိုးပြုနေပါတယ်။

အစီအစဉ်မှူး။ ။ ဆွေးနွေးမယ်ဆိုရင်တော့ ဆွေးနွေး စရာ အချက်အလက်တွေ၊ စိတ်ဝင်စား စေမယ့် အကြောင်းအရာတွေဟာ ပြောလို့ကုန်မှာ မဟုတ် ပါဘူး။ အခုလည်း ပြည်သူတွေ၊ လုပ်သားတွေနဲ့ စီးပွားရေး လုပ်ကိုင်သူတွေအတွက် သင့်တင့်တဲ့အချက်အလက် ကောင်းတွေလည်း ဆွေးနွေးနိုင်ခဲ့ပြီဖြစ်လို့ အမြဲတမ်း အတွင်းဝန်ကပဲ နောက်ဆုံးပြောလိုတဲ့အချက်တွေနဲ့ စကား ဝိုင်းရဲ့ အနှစ်ချုပ်ကို ဆွေးနွေးပေးပါဦး။

အမြဲတမ်းအတွင်းဝန်။ ။ ဒီကနေ့ ကျွန်တော်တို့စကားဝိုင်း မှာ အဓိကဆွေးနွေးသွားတာက အလုပ်အကိုင် အခွင့်အလမ်းအကြောင်းတွေနဲ့ ကုန်ထုတ် စွမ်းအား တိုးတက်စေဖို့အတွက် ပြောသွားပါတယ်။ အလုပ် အကိုင်အခွင့်အလမ်းလို့ ပြောလိုက်တာနဲ့ အလုပ်သမား တစ်ယောက်က အလုပ်အကိုင် အခွင့်အလမ်းရဖို့အတွက် သူ့မှာ အလုပ်အကိုင်နဲ့ပတ်သက်တဲ့ ကျွမ်းကျင်မှုလိုအပ်ပြီ ဆိုတာ သိရမယ်။ ဆွေးနွေးကြတဲ့အထဲမှာ ပြည်တွင်းနဲ့ ပြည်ပ ပါဝင်ပါတယ်။ ကျွမ်းကျင်မှုကလည်း ပြည်တွင်းရော ပြည်ပမှာပါ လိုအပ်ပါတယ်။ အလုပ်ရှင်တွေဘက်ကလည်း အလုပ်သမားတွေရဲ့ ကျွမ်းကျင်မှုကို တတ်နိုင်သလောက် ကူညီပံ့ပိုးပေးဖို့ လိုအပ်ပါတယ်။

ညှိနှိုင်းဖြေရှင်း

ကုန်ထုတ်စွမ်းအားမြင့်မားဖို့အတွက် လုပ်ငန်းခွင် အေးချမ်းသာယာဖို့လိုအပ်သလို လုပ်ငန်းခွင်အေးချမ်း သာယာဖို့အတွက်လည်း အလုပ်သမားရေးရာဆိုင်ရာ ဥပဒေတွေကို အလုပ်ရှင်ရော၊ အလုပ်သမားတွေရော သိနားလည်ကြဖို့ လိုအပ်ပါတယ်။ အလုပ်ရှင်နဲ့ အလုပ် သမားဆိုတာ ကိုင်းကျွန်းမှီ ကျွန်းကိုင်းမှီ ဆိုပေမယ့် တစ်ခါတစ်ရံမှာ အဖုအထစ်တွေရှိနေတတ်ပါတယ်။ ဒါကို ဖြေရှင်းတဲ့အခါမှာလည်း စနစ်တကျနဲ့ နည်းလမ်းကျနစွာ ညှိနှိုင်းဖြေရှင်းဖို့နဲ့ ဥပဒေကိုလေးစားဖို့ လိုအပ်ပါတယ်။

ပြည်ပအလုပ်အကိုင်ဆိုင်ရာ ဆွေးနွေးမှုတွေမှာလည်း အနှစ်ချုပ်လိုက်ရင် ပြည်ပကိုသွားတဲ့အခါ တရားဝင် လမ်းကြောင်းက သွားလာဖို့ လိုအပ်ပါတယ်။ ဒါမှလည်း ဝန်ကြီးဌာနက ဘယ်နိုင်ငံမှာ၊ ဘယ်မြို့မှာဖြင့် မြန်မာ အလုပ်သမား ဘယ်လောက်ရှိနေတယ်ဆိုတာကို သိရှိ နိုင်ပြီး လိုအပ်လာလို့ ကူညီမှုတွေပေးတဲ့အခါမှာလည်း အကျုံးဝင်မှာပါ။ ဥပမာပြောရရင် ဟိုတစ်လောက ရေတွေကြီး ကြတယ်။ အဲဒီတော့ မြန်မာအလုပ်သမားတွေများပါနေလား ဆိုတာ ရှာကြရတယ်။ စနစ်တကျ စာရင်းပြုစုထားနိုင်တဲ့ အတွက် တရားဝင်သွားဖြေရှင်းရာမှာလည်း လွယ်ကူပါတယ်။

အရာရာတိုင်းမှာ အလုပ်ရှင်၊ အလုပ်သမား၊ အစိုးရ ဆိုတာ သုံးပွင့်ဆိုင်သွားနေကြပါတယ်။ ဥပဒေတွေရော၊ လုပ်ငန်းစဉ်တိုင်းမှာရော သုံးဦးသုံးဖလှယ် ပါဝင်မှသာ အောင်မြင်မှာဖြစ်ပါတယ်။ အလုပ်သမားတွေနဲ့ ပြဿနာ တွေ တက်နေမယ်၊ အစိုးရကလည်း သတ်မှတ်ချက်တွေကို အတင်းကာရော ပြဋ္ဌာန်းနေမယ်၊ အလုပ်ရှင်တွေကလည်း မလိုက်နာကြဘဲနေမယ်ဆိုရင် ဘယ်လိုမှမတိုးတက်နိုင်ပါဘူး။

ဒါကြောင့် အစိုးရ၊ အလုပ်ရှင်နဲ့ အလုပ်သမားတွေဟာ အမြဲဆွေးနွေးငြင်းခုံနေကြရတာ များပါတယ်။ ကြာလာ တော့ ငြင်းရင်းခုံရင်းနဲ့ပဲ သူငယ်ချင်းတွေလို ဖြစ်လာနေကြ ပါတယ်။ ဒါကြောင့် တစ်ခါတစ်ရံမှာ အငြင်းပွားရတာဟာ အကျင့်တောင်ပါနေပါပြီ။ နောက်ပိုင်းမှာ တစ်ဦးရဲ့ ခြေလှမ်းကိုလည်း တစ်ဦးက မြင်တတ်နေကြပြီး အလုပ်ရှင် ရဲ့ခြေလှမ်း၊ အလုပ်သမားရဲ့ခြေလှမ်းနဲ့ အစိုးရရဲ့ခြေလှမ်း ကို စောင့်ကြည့်ကြ၊ အဖြေထုတ်ကြ၊ ငြင်းခုံကြနဲ့ပဲ နိုင်ငံရဲ့ စီးပွားရေးကို တစ်ဖက်တစ်လမ်းက အထောက်အကူပြု နေကြတာပါ။ ဒါကြောင့် ဒီစကားဝိုင်းကို ကြည့်ရှုဖြစ်သူ၊ ဖတ်ရှုဖြစ်သူတွေအတွက်လည်း အများကြီးအကျိုးရှိစေ မယ်လို့ ယုံကြည်ပါတယ်လို့ ပြောပါရစေ။ ။

About ​ရွှေ မိုး ညို

View all posts by ​ရွှေ မိုး ညို →

Leave a Reply

Your email address will not be published. Required fields are marked *